Noizy bashkon forcat me dy nga emrat më në zë të muzikës

Noizy, reperi i njohur, ka treguar se shumë këngë do të vijnë së shpejti.

Ai ka thënë se do të publikohen këngët e një albumi, ccdo javë ose 10 ditë.

“Albumi është gati… Dhe publikimi i këngëve do të bëhet çdo javë/10 ditë nga një super mega hit. Ky album është më i preferuari deri tani. Së shpejti titulli dhe track list”, shkruan Noizy në një postim.

Mesa duket pjesë të këtij albumi do të jetë dhe një super bashkëpunim mes tre emrave më të zë të momentit. Elgit Doda, Alban Skënderaj dhe Noizy po bashkojnë forcat për të sjellë një hit veror. Këtë lajm e ka “konfirmuar” vetë producenti i njohur përmes një postimi në Instagram. Pak orë më parë Elgiti ka publikuar një foto ku shihet duke matur tensionin në studion e tij muzikore, krahas së cilës ka shkruar:

“Duhet me kontrollu herë pas here tensionin këtë herë!”

Në këtë postim, ai i ka bërë “tag” Albanit dhe Noizy-t duke lënë të kuptohet kuptohet se treshja po vijnë me një projekt të përbashkët, që padyshim që do të kthehet në një hit.