Wow! Valdrin Sahiti vesh aktoren e famshme

Valdrin Sahiti, stilisti i famshëm shqiptar, u zgjodh nga Bella Thorne për ta veshur atë. Siç duket ajo i beson atit dhe i duket tepër i talentuar.

Ajo e ka zgjedhur stilistin shqiptar në një ditë të shënuar për të, mund të themi në një nga ditët më të lumtura të jetës së saj. Aktorja e famshme do të fejohet me të dashurin e saj, Benjamin Mascolo në një ambient të rregulluar deri në detaje.

Ajo që na ra në sy më tepër fustani i kuq i stiluar nga Valdrini.

Kjo nuk është hera e parë për dizanjerin pasi ai ka veshur edhe emra të njohura të skenës ndërkombëtare.

Për të folur për këtë, Valdrin Sahiti ka qenë para pak kohësh i ftuar në emisionin “NiN” në Klan Kosova.

Sahiti rrëfeu për rrugëtimin e tij drejt suksesit dhe si arriti që emrin e tij ta kthente në një brand. Pak javë më parë emri i tij bëri bujë pasi Beyonce zgjodhi të vishej me një nga krijimet e tij në mbrëmjen e ceremonisë së çmimeve Grammy.

Por si ra në kontakt Valdrini me Beyonce-n?

Stilisti tha në emision se as vetë ai nuk e dinte që diva e muzikës do të vishte fustanin e kuq!

Veshja e saj ishte një surprizë për stilistin, i cili tregoi edhe procesin e kontaktit me ekipin e këngëtares.

“Nuk e prisja që do të vishte saktësisht atë fustan, datën saktësisht, kjo ishte një surprizë e njëjtë sikurse për mua dhe krejt publikun”.

“Nuk dihet paraprakisht se çfarë do të veshë?”, e pyeti Alaudini.

“Jo. Nuk kemi një komunikim të afërt dhe miqësor me ekipin e saj që t’i dimë detajet. Thjesht shohim çfarë kemi të arsyeshme dhe potenciale në varësi edhe të buxhetit dhe pastaj ekipe të ndryshe zgjedhin gjëra të ndryshme”.

Pra ekipi i marketingut të Valdrinit duhet t’i ketë dërguar disa krijime Beyonce-s, e cila më pas zgjedh se cilin do të veshë.