Ja në cilin emision do të marrë pjesë Antonela

Antonela Berisha është një nga emrat më me zë të “Për’puthen” për shkak të tipit të saj të drejtpërdrejtë dhe humorit që e karakterizon.

Ajo ka bërë të ditur që do të jetë pjesë e programit “Portokalli”.

Ajo ka publikuar në InstaStory një video ku shihet me Salsano Rrapin dhe ku tregon se do të ketë një rol në rubrikën “Për’thithen”.

Antonela: Ky është njishi, aktori më i mirë.

Salsano: Jo, jo unë jam aktori më i dobët. Ti je “Për’thithsja… Për’puthsja” më e mirë (qeshin).

Bukuroshja nuk ka dhënë më shumë detaje përsa i përket rolit të saj në këtë program.

Antonela para disa ditësh na ka treguar një ndër pasione e saj: muzikën.

Të gjithëve na bëri habi kur morëm vesh se  Antonela kishte publikuar këngën e saj të parë dhe të vetme në Youtube 9 vite më parë!

Projekti i saj titullohet “Koha kalon”, teksa “videoklipi” është një kolazh i fotove të vjetra të Antonelës, shumë ndryshe nga sot.

Konkurrentja s’ka folur kurrë për këtë projekt, por s’ka mundur t’i shpëtojë kërkimeve të fansave!