Suksesi është destinacion, ja rruga që ju çon drejt tij

Çfarëdo po synoni të bëni, këto shtatë këshilla do t’ju ndihmojnë të arrini qëllimet tuaja më shpejt dhe me më shumë siguri. Ne të gjithë e kemi zërin e brendshëm që ndonjëherë na thotë se nuk do të arrijmë t’ia dalim. Apo se ju nuk e meritoni një sukses, që nuk keni ato që duhet apo se është shumë vonë. Nëse e dëgjoni këtë zë të brendshëm do të filloni ngadalë ta besoni.

Këto shtatë këshillat e mëposhtme do t’ju ndihmojnë të ndryshoni mendësinë dhe jetën tuaj. Regjistrojeni në mendjen dhe zemrën tuaj se nuk ka vend për negativitet dhe dyshim, dhe që qielli është i vetmi limit.

[rml_read_more]

Është më mirë të dështosh, se të mos e provosh

Dështimi nuk është fundi i gjithçkaje, por një hap i gabuar drejt suksesit. Kjo nuk e bën atë të lehtë apo argëtues, por ka përfitime që do të vijnë më pas. Mësimet e jetës priren të përsëriten derisa ju t’i mësoni ato dhe dhimbja është një nga mënyrat sesi universi kërkon të marrë vëmendjen tuaj. Ndonjëherë gjërat shkatërrohen, që të krijohet vend për suksese më të mëdha.

Ka gjithnjë një mundësi

Hapi i parë për një sipërmarrje të suksesshme është të njihni mundësinë. Mundësitë gjenden përballë jush çdo ditë, por që t’i shihni duhet të keni një këndvështrim për botën si të ishte vendi i shpresës dhe mundësive, jo i kufizimeve, pengesave dhe problemeve.

Analizoni çdo situatë me të cilën ju përball jeta dhe kuptoni se ndonëse nuk arrini ta shihni, mundësia ekziston gjithnjë. Shfrytëzoni dhe shterni çdo mundësi përpara se të dorëzoheni.

E vetmja gjë që mund të kontrolloni është vetja

Përpjekja për të kontrolluar çdo situatë në jetën tuaj është një betejë e humbur me zemërimin dhe acarimin si shoqërues të vazhdueshëm. Sa më shumë që përqendroheni në atë që mund të kontrolloni – vetë përgatitjen dhe përgjigjet tuaja – aq më mirë mund të përshtateni me çdo situatë ku gjendeni.

Puna dhe këmbëngulja shpërblehen gjithnjë

Ndoshta jo menjëherë dhe jo sipas mënyrës që mendoni juve, por pavarësisht se çfarë ndodh aktualisht nëse punoni fuqishëm ju do t’i afroheni synimit tuaj. Çdo herë që e nxisni veten të ecë përpara dhe çdo herë që provoni, i afroheni më tepër vijës së finishit.

Suksesi është një destinacion

Rruga drejt suksesit nuk është pa pengesa. Ne mund të jemi mirënjohës kur rrugët tona nuk shkojnë përherë drejt. Ndonjëherë rrugët pa kthesa janë të mërzitshme dhe nuk përbëjnë sfidën e duhur për të ecur përpara. Përqafoni çdo shans që keni për të kaluar kohë në “rrugica” të vështira. Shpesh gjërat më të mira në jetë zbulohen kur merrni një rrugë të pazakontë.

Historia do të jetë gjithnjë mësuesi juaj më i mirë

Mos e lejoni veten të bllokoheni nga e shkuara. Kjo nuk do të thotë as të përfshiheni plotësisht në të. Mësoni nga e shkuara juaj dhe nga historia në përgjithësi. Interpretojeni atë dhe përkufizojeni në atë mënyrë që t’ju shërbejë sa më mirë për të arritur synimet tuaja.

Gjithçka do të shkojë mirë

Mos i humbni kurrë shpresat, gjithçka do të shkojë shumë mirë, por mbase jo sot. Në fund të fundit çdo gjë do të jetë në vendin e vet. Kini parasysh se nuk ecet përpara duke parë këmbët, por horizontin. Qëndroni pozitivë dhe optimistë, sepse vetëm kështu truri juaj do të jetë në funksion të së vërtetës dhe të qëllimeve tuaja.

Rregullat e arta që të arrini suksesin:

Shumë rrallë mund të ndodhë që suksesi t’ju gjejë juve të papërgatitur. Zakonisht, njerëzit që janë të suksesshëm kanë punuar shumë për të arritur aty ku janë. Pesë janë rregullat e arta që do t’ju ndihmojnë të arrini synimet.

Vendosni objektiva që ju motivojnë

Kur i vini vetes objektiva, është e rëndësishme që ato t’ju motivojnë. Kjo nënkupton që ato duhet të jenë të rëndësishme për juve dhe që të shihni një vlerë në arritjen e tyre. Nëse keni pak interes në atë që synoni të arrini, atëherë keni shumë gjasa të hiqni dorë. Motivimi është çelësi për të arritur synimet.

Zgjidhini objektivat me zgjuarsi

Objektivat e zgjedhur me zgjuarsi zakonisht janë specifike, të matshme, të arritshme, të rëndësishme dhe që i përmbahen një afati kohor. Ky kombinim kaq specifik do t’ju bëjë që të mund të arrini synimet tuaja pa u munduar shumë në vazhdën e kërkimit të së pamundurës.

Shkruajini synimet

Akti fizik i të shkuarit një synim e bën atë më të vërtetë dhe më të prekshëm. Nuk keni asnjë justifikim për ta harruar atë. Shkruajini sipas formulës “unë do të arrij” dhe jo “do të më pëlqente që të arrij”. Kështu ju do të përfytyroni atë që dëshironi dhe kjo ju motivon.

Hartoni një plan

Përqendrohuni te rezultati dhe hartoni një plan që do t’ju çojë drejt suksesit të qëllimit tuaj. Vetëm duke pasur hap pas hapi strategjinë tuaj atëherë do të kapërceni çdo vështirësi që ju del përpara.

Përmbajuni planit

I gjithë procesi duhet të shkojë zinxhir. Që nga zbulimi i asaj që doni deri te arritja duhet të vazhdoni të luftoni për dëshirat dhe synimet tuaja duke iu përmbajtur asaj që dëshironi të arrini. Mos hiqni dorë lehtë dhe çojeni deri në fund!