Një sfilatë mode në mbrëmjen gala të Global Woman Summit, Zigrida Berhomi Sulaj, shqiptarja që mahniti botën

Disa mund ta njohin si piktore, të tjerë si skenografe por bota e artit e njeh si një nga dizenjueset internacionale që së fundmi po korr sukses. Jemi duke folur për Zigrida Sulaj Berhomi, një ndër gratë e suksesshme në fushën e artit e dizajnit e cila frymëzon me punën e saj.

Zigrida ka qenë pjesë e Samitit më të suksesshëm të grave, “Global Woman Samit 2022” që u mbajt në 11 dhe 12 qershor në Londër.

Një ndër mbrëmjet më speciale të këtij organizimi ishte mbrëmja gala që mblodhi bizneswoman dhe biznesman më të suksesshëm të gjithë botës, nga fusha të ndryshme të biznesit.

Gjate ndarjes se cmimeve te Global Award’s nuk mund te leme pa permendur artistin pop/lirico Eden Loren zerin dhe melodine e perzgjedhur nga Zigrida si frymezim nga Klasiket europian italian kuruar deri ne detaje kjo mbremje nga vete artistja.

Përpara syve të figurave më të suksesshme të botës, Zigrida solli përgjatë mbrëmjes koleksione që mbanin emrin e saj, një sfilatë kjo që padiskutim u duartrokit nga të gjithë të pranishmit. Pikërisht Zigrida është një shembull për të gjitha të rejat që duan të nisin një biznes të ngjashëm, ta nisin nga zeroja dhe të ngjisin shkallët e karrierës drejt suksesit.