Mezi e kemi pritur! Ja kur vjen Maluma në Tiranë

Për shkak të koronavirusit shumë koncerte u shtynë për një momentë të dytë. Njësoj ishte dhe për koncertin e Malumës.

Mirëpo ai do të vijë shumë shpejt sepse dhe në vende të tjera të Europës do të lejohen koncerte.

Data e re për ardhjen e Malumës në Tiranë është vendosur dhe është pikërisht 14 Mars 2022.

Bashkia Tiranë dhe kompania RedCloud si organizatore e këtij koncerti bën me dije se nuk do të ketë rimbursim të biletave të blera, por ato do të jenë të vlefshme për datën e re të koncertit.

“Biletat mund të përdoren nga personat që i kanë blerë ose persona të tjerë që do të duan t’ua dhurojnë ose rishesin të njohurve të tyre, ose palëve të treta që janë të interesuar për të blerë këto bileta,” informon kompania.

Organizatorët këshillojnë që ata që duan të shkojnë në koncert t’i ruajnë biletat e tyre pasi çmimet e biletave për koncertin e 14 marsit 2022 do të jenë më të shtrenjta.

Platforma www.vivere.al për shitjen e biletave do të jetë aktive brenda muajit maj 2021.