Çfarë i kërkon Enca fansave arab?

Enca, këngëtarja super e suksesshme, ku çdo këngë që lançon i kthehet në hit.

Ajo ka kaluar çdo pritshmëri: Nuk ka fansa vetëm shqiptarë, por dhe jashtë Shqipërisë.

Në çdo postim të këngëtares do të vihen re dhe komentet e fansave të saj arabë. E çuditshme apo jo?!

Epo, ky po që është sukses.

Enca ndau një video me ndjekësit e saj në Instagram, teksa këndon këngë në gjuhën arabe, krahas së cilës shkroi:

“Ku i kam fansat arab, më mësoni arabisht.”

Më herët, këngëtarja ka zbuluar se ka marrë një pllakatë nga Youtube, sepse ka arritur 1 milion abonues në kanalin e saj, në të cilin ka publikuar gjithë projektet muzikore. Enca është shprehur shumë e lumtur për këtë arritje dhe ka premtuar se e ardhmja e saj do të jetë akoma dhe më e ndritur.

“E bekuar. Mirënjohëse. Këngëtarja shqiptare me më shumë abonues”, ka shkruar Enca përkrah videos së dhuratës.

Disa ditë më parë Enca paralajmëroi fansat së shumë shpejt do të vijë me projekte të reja muzikore. Ajo kërkoi mendimin e ndjekësve të saj nëse donin këngë baladë/të trishta apo këngë ritmike. Pjesa më e madhe zgjodhën këtë të dytën, duke qenë se dhe Enca e ka vërtetuar se është mjaft e zonja për këngët plot ritëm.