Bashkëshortja e Stines akuzon kunatën: Më ke fyer dhe lënduar

Stine dhe bashkëshortja e tij kanë qenë shpesh kryefjala e mediave rozë për një ndarje të mundshme midis tyre, por Stine i hodhi poshtë këto akuza.

Çifti janë prindër të një vajze të cilën e pagëzuan me emrin  Estia.

Së fundmi partnerja e Stines i ka habitur të gjithë me disa postime në Instagram, ku shkak për këtë është bërë intervista e fundit e Alidës në Soiree së bashku me Stinen, ku e motra është shprehur se këngëtari ka mbajtur gjithmonë krahun e saj.

Pas këtyre videove, ajo ka shpërndarë edhe pjesë të intervistave të tjera të Alidës, ku është përmendur marrëdhënia e Stines me Gracielën. Siç duket, partneres së këngëtarit i kanë ardhur në majë të hundës të gjitha këto deklarata dhe ka vendosur që të thotë edhe ajo fjalën e saj.

“Kam kohë që rri e heshtur. Kam kohë që toleroj. Nuk më ka pëlqyer kurrë që gjërat personale dhe familjare t’i bëj publike. Nuk më ka pëlqyer kurrë që të kem një raport të tillë me ty pasi na bashkon një njeri që të dyja i duam të mirën. Doja që motra e burrit të ishte dhe motra ime. Për këtë kam toleruar shumë herë që më ke fyer dhe lënduar dhe i kam hedhur pas krahëve të gjitha. Por ti nuk di të ndalesh privatësisht dhe publikisht. Prandaj do të ta kthej në të njëjtën mënyrë. Ka dhe diçka… Mllefi im nuk vjen nga këto fyerje dhe ulje publike apo dhe jo publike që më ke bërë!!! Ka më shumë dhe më rëndë se kaq. Pasoja që po i vuaj edhe sot e kësaj dite dhe shpresoj që të rëndoj edhe ty po aq shumë”, shkruan Grazia për Alidën.