Paskemi surpriza plot! Jonida Vokshi pjesë e serialit të Mamaqit, zbulon detajet e projektit të ri

Pas 2 filmave tepër të suksesshëm që bëri Ermali, ai i ka lajmëruar fansat e tij për një super projekt tjetër: një serial.

Ermali publikoi në Instagram foto të një tabelë ku kishte shkruar “Shesim seriale”, duke paralajmëruar në këtë formë projektin e tij më të ri.

Është mësuar se Ermali do të jetë vetë protagonist i serialit të tij dhe po ashtu mban firmën e producentit, së bashku me Dritan Huqin, i cili është anëtar i Akademisë së Festivalit Europian të Filmit.  Mamaqi i ka besuar njërës prej bashkëpuntorëve të tij më të mira, skenaristes Klaudia Brahimaj, si dhe Bjordi Mezinit.

Së fundmi, producenti zbuloi gjithashtu edhe aktoren që do të jetë protagoniste në këtë serial.

Bëhet fjalë për aktoren Jonida Vokshi, e cila para pak ditësh festoi ditëlindjen. Në urimin e saj, Mamaqi e quajti aktoren ylli i serialit.

“Jonida nënës u bëfsh 100 vjeç. Gëzuar o ylli i serialit”, shkruan Ermali.

Së fundmi, në programin “Pardon My French”, bukuroshja e pranoi këtë lajm.

Jonida pohoi se është e vërtetë që do të jetë pjesë e serialit të Ermal Mamaqit. Ajo zbuloi se për momentin po bëhen vetëm provat, nuk kanë nisur ende xhirimet, por që do të nisin së shpejti dhe ajo është tepër e lumtur për këtë projekt të ri.