Ndahet përfundimisht çifti Bora-Donald, aktori mori valixhet dhe iku nga shtëpia…

Bora Zemani dhe Donald Veshaj janë një nga çiftet më të komentuar të momentit. Ato shpesh kanë qenë në qendër të vëmendjes për shkak të zënkave, ndarjeve dhe ribashkimeve të shumta që kanë pasur.

Mirëpo kësaj here situate qenka serioze. Dyshja ka vendosur t’i japë fund lidhjes se tyre e cila u bë më serioze deri në bashkëjetesë.

Xhelozia është bërë shkak që ata t’i japin fund bashkëjetesës disamujore në Tiranë dhe ka qenë Donaldi ai që ka marrë valixhet dhe është larguar nga shtëpia ku jetonin.

Sipas miqve të tyre, vështirë të thuhet se këtë herë bëhet fjalë për një zënkë të momentit, pasi edhe kur kanë pasur situata të tilla më parë, ata nuk i kanë fshirë gjurmët e lidhjes së tyre dhe janë rikthyer shpejt te njëri-tjetri.

Në fillimet e tyre ata u konsideruan një nga çiftet më të përfolura, për faktin se luanin me idenë që janë më shumë kolegë që shkojnë mirë në televizion, sesa të dashur. Ishte Bora, e cila theu heshtjen duke publikuar foton e parë të tyre si çift nga bregdeti i Jugut, ku dhe celebruan kështu publikisht këtë histori dashurie të lindur në televizion.