Vanessa Hudgens moderoi gjysmën e parë të natës kushtuar filmave dhe TV që u transmetua drejtpërdrejt nga ‘Barker Hangar’ në Los Anxhelos. Pasi fansat panë yjet e tyre të preferuar të merrnin çmimet për më të mirët në film dhe televizion, Tayshia Adams i ‘Bachelor-it’ mori përsipër pjesa e dytë të shfaqjes së çmimeve që filloi në orën 22:00 për të nderuar yjet e relity-showt. Prezantuesit e natës përfshinin të famshëm si Chris Evans, Awkwafina, Rebel Wilson, Billy Eichner, Jenna Ortega, Jay Ellis dhe Sydney Sweeney.

‘Spider-Man: No Way Home’ ishte projekti më i nominuar i natës me gjithsej shtatë nominime, ku arriti të fitonte dhe çmimin si filmi më i mirë, i ndjekur nga ‘Euphoria’ me gjashtë nominime dhe ‘The Batman’ me katër nominime.

‘MTV Movie & TV Awards 2022’ prezantoi gjithashtu dy kategori të reja: ‘Kënga më e mirë’ dhe ‘Here for the Hookup’.

Gjatë natës u nderua edhe Jack Black, duke marrë çmimin ‘Comedic Genius’.Bethenny Frankel-it iu dha ‘Reality Royalty Award’. Themeluesja e ‘Skinnygirl’ mori çmimin për ‘The Real Housewives of New York’ dhe spin-off duke përfshirë ‘Bethenny Ever After’, ‘Bethenny & Fredrik’ dhe ‘The Big Shot with Bethenny’.