Gjendet i vdekur në apartamentin e tij aktori Michael Williams

Aktori Michael Williams ka ndërruar jetë në moshën 54-vjeçare. Williams i njohur në të gjithë botën për rolet e tij në “The Wire” dhe “Love Country” dyshohet se ka ndërruar jetë për shkak të mbidozës. Ai u gjet pa ndjenja në apartamenin në Brooklyn nga nipi i tij ditën e djeshme.

Aktori kishte dy ditë që nuk kishte komunikuar me njeri dhe këtu lindën dyshimet se diçka mund ti kishte ndodhur. Nipi i Williams shkoi në kompleksin e apartamenteve për të kontrolluar yllin, i cili thuhet se nuk ishte dëgjuar prej disa ditësh.

Lajmin e konfirmoi më pas përfaqësuesja e tij Marianna Shafran: “Me pikëllim të thellë familja njofton vdekjen e aktorit të nominuar për Emmy, Michael Kenneth Williams”.

54-vjeçari u zbulua pa ndjenja dhe me fytyrë poshtë në dhomën e ndenjes në apartamentin e tij në Williamsburg nga nipi i tij. Mjekët shkuan në vendngjarje, por e shpallën aktorin të vdekur në orën 14:12 pasdite.