Pavarësisht se nuk janë bashkë, Alex flet me superlativa kur vjen puna tek J.Lo

Një nga ndarjet më të bujshme të viteve të fundit ka qenë padiskutim ndarja e Jennifer Lopez dhe Alex Rodriguez. Atëherë kur të gjithë prosnim martesën pas një propozimi aq romantik sa ai që i bëri Alex, erdhi ndarja. Së fundmi Rodriguez ka folur për ish-të fejuarën e tij me superlativa.

Gjatë podcast-it “The Martha Stewart Show”, Alex foli për lidhjen me J.Lo dhe nuk tha asgjë tjetër veçse lavdërime për të.

“Ja çfarë do t’ju tregoj për Jennifer-in dhe u thashë disa prej kolegëve të mi këtu një ditë më parë, ajo është njeriu më i talentuar që kam pasur ndonjëherë përreth,” tha 46-vjeçari. “Punëtorja më e madhe. Dhe unë mendoj se ajo është interpretuesja më e madhe, interpretuesja live më e mirë në botë sot.”,- u shpreh ai.

“Shikoni, ne kaluam shumë mirë,” tha ai duke reflektuar për marrëdhënien e tyre. “Më e rëndësishmja, ne gjithmonë i vendosim fëmijët të parët dhe në qendër të çdo gjëje që bëjmë.”

Rodriguez është babai i dy vajzave, Natasha dhe Ella, 17 dhe 14 vjeçe, me ish-gruan e tij Cynthia Scurtis, ndërsa Lopez është nënë e binjakëve 14-vjeçarë Emme dhe Maximilian me ish-bashkëshortin Mark Anthony.