Gruaja e Ilir Shaqirit reagon pas fitores së bashkëshortit: Ndezi dritat e shtëpisë dhe i fiku

 Emanuela Morini ka reagur ditën e sotme, duke mos e fshehur krenarinë për bashkëshortin e saj, që ia doli të fitonte Big Brother pas 136 ditësh. Nëpërmjet një statusi në Instagram, ajo tha se ishte Iliri ai që ndezi dritat e kësaj shtëpie, si dhe ishte po ai që i fiku.

“Një nga emocionet më të bukura të jetës sime. Ilir Shaqiri, ai që ndezi dritat e shtëpisë së BB VIP dhe ai që i fiku pas 4 muaj e gjysmë. Krenar për ty gjithmonë e më shumë,”- është shprehur Emanuela. Në fund të eksperiencës së tij balerini u kurorëzua fitues dhe mori çmimin prej 100 mijë eurosh duke shënuar kështu historinë si fituesi i edicionit të parë të “Big Brother VIP”, ndërsa vendin e dytë e mori aktori Donald Veshaj.